البكر ....الرشيييييد

جيمي : ازيك يا انكل عامل ايه ؟ واحشني

صفصف : ايه اللي فكرك بيه وانت من امتي بتودني اصلا , الله يرحم ايام زمان لما كنت بتلف عشان تشيلني من مكاني...

جيمي : لا يا انكل عيب , انا مستغناش عنك و انت فضلك عليينا كبير و انت صديق بابا المخلص...

صفصف : ( يضحك ضحكته القميئة ) : عموما من غير ما تتكلم , انا باخد بكرامة ابوك وبدأت فعلا...

جيمي : يضحك مندهشا وكأنه وجد كنزا دفينا , وانا اللي كنت هاخد رايك نعمل ايه وازاي ننتقم او حتى نهدم الزفت الثورة دي , عايز السوس ينخر فيها يا انكل .... احنا كلنا في مهانة وبابا مبقاش زي الاول ولا ماما..

صفصف : لا لا لا متقلقش , انا شغال والف من يخدم , الثورة اصل لها اعداء ....

جيمي : طب نعمل ايه ونبتدي ازاي ؟

صفصف : بص , العيال دي صغيرين ومتحمسين واي شرارة صغيرة وفتنة صغيرة تترمي هيجروا عليها ....ومتنساش دول اصلا مش جاهزين للديموقراطية , معقول هينظموا نفسهم بالسرعة دي؟ ومتنساش انا جات لي معلومات ان فيه معارضين للثورة وعايزين نخليهم يفضلوا معارضين

جيمي : على فكرة المعارضين للثورة بيخافوا يبينوا انهم معارضين...

صفصف : هايل !!!! عشان يفضلوا ينتقدوا في الثورة و يكسروا مجاديفها وتحصل الانقسام والانقسامات والفتن دي احسن اختراع للسيادة...

جيمي : بس دول ممكن يتلموا في ثانية يا انكل , ومنهم ناس واعية بدليل الثورة نفسها ,

صفصف : وماله ؟ برده نفضل وراهم بالانقسامات و الفتن , شفت مشهد يوم الجمعة لما الجدع الشيخ القرضاوي دة طلع وخطب وسط الناس والناس بتصلي وكدة ....اهم هم اللي جابوه و احنا لسة محطناش ايدينا بالكامل والموقف خلق انقسام ازاي , زائد رجالتنا عالفيس بوك بيناقشوا المادة التانية زائد ان المسيحيين هيخافوا لان البديل لمبارك عندهم هم .....البعبع

جيمي : مممممم والخطوة الجاية ...

صفصف : ادينا بعتنا الواد اللي قتل القسيس بتاع اسيوط دة وكأنه بيسرقه , وربنا يسهل ونهوي عالنار...

جيمي :الطائفية هي الحل ولو ان امريكا باعتنا يا انكل حتى لو فيه قلق عالمسيحيين مش هتسال...

صفصف : احنا عايزين الثورة تتكره مبدئيا , وبعدين هي امريكا قاعدة مراقبة ومستنية ولو فيه مصلحة هتتدخل ولو لاح ليها حكم سلفي او اخواني هتستعد...

جيمي : ماما بتقول ميتأمنوش اصلا الامريكان بعد اللي عملوه في بابا...

صفصف : محدش هيآمن ليهم , لكن هي مصالح زي ما هم بيتعاملوا...ههههههههههههههه

متشغلش بالك , شوية بشوية هنرسخ لمفهوم اعداء الوطن والثورة زي ايام 52 كنت انت صغير , يااااه يا جيمي يابني ياما دقت عالراس طبول ....متقلقش...

بابا عامل ايه ؟

جيمي : مكتئب ومش بيكلمني , حضرتك قولي هو عامل ايه ...

صفصف : حايله وتقرب منه يا جيمي ....متخليهوش يزعل منك..

جيمي : ميرسي اوي يا انكل , ربنا يخليك لينا...

لاتزال الثورة في طورها الاول , كفتاة عذراء نقية , لا تجعلوها تصدق كل من ارتدي زي الصدق , حافظوا عليها ....فهي كنز ثمين...

اجعلوها بكر ....رشيد

بعد القطفة الاولي لاحلي ثمار الثورة , اللهم اجعل ثمارها خيرا وفيرا...

بني وطني...

بني وطني ....ما أشد فخري بكم
أتحدث اليكم في هذا الظرف الدقيق.....لا لا
سأبدأ بداية مختلفة ....لا اود تلك الجملة :
اولادي ....
لم أفرح في حياتي البرزخية الآنية كما فرحت بكم
صدقوني فأنا من أرض بعيدة عنكم كل البعد
بعيدة عن كل مطامع البشر وحماقاتهم ...أرض الحق....
لقد أحييتم مصر الحبيبة التي أفتقدها كثيرا
لقد غسلتم وجه مصر إما بثورتكم وإما بتنظيف مكان ثورتكم
لم أكن أحلم بثورة مثل هذي
لطالما كنت - في حياتي - أري في الشعب دائما يحتاج الي قائد وزعيم
لم أكن أعرف ان بني وطني سينجبون جواهر متلألأة مثلكم يافلذات أكبادنا
لم أكن راضيا عن مصر منذ أن رحلت عنها , صدقوني كنت معكم بروحي
كأنني مت مرة اخري يوم اتفاقية الاستسلام-1979
ولم أسر أبدا بما حدث بعدها....
في عالمنا هنا لا يوجد مكان ولا زمان لذا فلقد شعرت أن ما حدث بعدها هو من سيسفر عن ثورة ما
و حينما زادت المفاسد و تعاظم الطغيان ولم أجد متمردا ولا داعيا للحق احبطت وأصبت باليأس
شعرت بالغيرة لما حدث بتونس ونظرت الي الجهة الغربية منها بترقب....
مصر حبيبتي ...قلب العروبة النابض الحي.....لا يزال فيك أمل
لا يزال بك حياة...وشرف
كنت أسير بالميدان الذي أسميته ميدان التحرير في حياتي و وفي قلبي حب وود
أود لو تروني
أود لو تسمعوني...لا أبغي زعامة فقد اكتفيت منها بل أود أنا أؤازركم
حاذروا أولادي من أعداء الثورة
ليس من اعداء الثورة بل من جملة " اعداء الثورة " - فتحت اسمها ارتكبت العديد من الجرائم ضد الانسانية والشرف
في عهدي - مع الاسف- كان هوس أعداء الوطن و المبالغة في الخوف على مصر من " الاختراق" , يودي بنا الي الهلاك
حفظكم الله يا اولادي
حفظكم سالمين ...متوحدين ...عاقلين ... راشدين

جمال عبد الناصر